Беренсе сменаға ике йөҙ курсант килә. Әле 200 гектар майҙанды биләгән паркта эштәр йылдам бара. Төҙөүселәр иҫке казарманы ремонтлап тышҡы биҙәүгә тотонған. Бина эсендә кубриктар, уҡыу бүлмәләре төҙөлә. Эштәр барышы менән бөгөн Башҡортостан башлығы яҡындан танышты.
На этой странице есть скрипты, которые не могут быть загружены в AMP-режиме.
Перейти на сайтХәрби техника музейы, тарихи-мемориаль комплекс, партизан ауылы, физкультура һауыҡтырыу комплекстары. Алкин ауылындағы элекке хәрби часть танымаҫлыҡ булып үҙгәрәсәк. Бында хәҙер «Патриот» паркы төҙөлә.
Элекке һалдат казармаларында «Авангард» хәрби-патриотик тәрбиә уҡытыу-методика үҙәге урынлашасаҡ. Әле төҙөүселәр йыйында ҡатнашыусылар өсөн кубриктар, уҡыу бүлмәләре хәстәрләй. Тәүге ике йөҙ курсантты бында июндә үк ҡабул итергә ниәтләйҙәр.
Ә парктың бурысы тәрбиә эштәре мәнән генә сикләнмәй. Маҡсат – шанлы тарихыбыҙҙы хөрмәтләү, ҡораллы көстәрҙең халыҡ араһында абруйын күтәреү.
Хәрби-патриотик йүнәлештәге тәүге парк республикала йәшәүсе бар халыҡты ла йәлеп итеп торорға тейеш, ти Радий Хәбиров. Бында үҫмерҙәр генә түгел, тотош ғаиләләре менән ял итергә килергә килергә тейештәр.
«Патриот» паркы тулыһынса 2024 йылға төҙөлөп бөтәсәк. Ул ваҡытҡа тиклем биләмәлә конгресс-үҙәк, мәсет, бәләкәй сиркәү, атта сабышыу һәм ҡоралдан атыу үҙәктәре барлыҡҡа киләсәк.
Айнур Кәбиров