«Башавтотранс» предприятиеһының 74-се маршрутында водитель булып эшләгән Әлиә Аманғолова шундай фекерҙә. 8 март Халыҡ-ара ҡатын-ҡыҙҙар көнөн дә ул йыш ҡына яратҡан эшенә тоғро ҡала.
На этой странице есть скрипты, которые не могут быть загружены в AMP-режиме.
Перейти на сайтТырнаҡтарҙа маникюр, биттә еңелсә макияж. Әлиә Аманғоловаға «Башавтотранс» предприятиеһы етәкселеге НЕФАЗ автобусын ышанып тапшырған. Ул Өфөнөң Черниковка биҫтәһенән Нижегородкаға йөрөгән 74-се маршрутта эшләй. Һөнәр һайлауға, атаһы этәргес биргән.
Пассажир өсөн иң мөһиме сәфәрҙәрҙең хәүефһеҙлеге. Был йәһәтән Әлиә ханым икеләтә иғтибарлы. Барлыҡ ҡағиҙәләр теүәл үтәлә. Салон таҙа һәм уңайлы.
8 март халыҡ-ара ҡатын-ҡыҙҙар көнөндә кондуктор Лилиә Дүсәева ла эш өҫтөндә. График шулай тура килгән. Әлиә Аманғолова менән бер маршрутта эшләй. Водителдән айырмалы, кондуктор ҡатын-ҡыҙ эше тигән фекерҙә Лилиә ханым.
«Хенд Хантер» рекрутинг агетлығы мәғлүмәттәре буйынса ҡатын-ҡыҙҙар араһында әлегә тиклем иң популяр вакансия клиент менеджеры булған. Әммә һуңғы ваҡытта һөнәрҙәргә лә ҡараш үҙгәрә бара. Ҡатын-ҡыҙҙар офистарҙан сыға, гараж һәм автосервистарға күсә. Тәгәрмәс монтажлаусы, иретеп йәбештереүсе, механик, такси йәки автобус водителе кеүек һөнәрҙәрҙә лә гүзәл зат вәкилдәре үҙ көсөн һынай. Иң мөһиме: улар эшен яратып, күңел йылыһын биреп башҡара.
Рафиҡ Әхмәтшин