Баймаҡ районы һаулыҡ һаҡлау системаһының беренсе селтәре яңыртыла. Яңыраҡ Ҡолсора ауылында өр-яңы фельдшер-акушерлыҡ пункты файҙаланыуға тапшырылды. Урындағы халыҡтың ҡыуанысын БЮТ каналының ижади төркөмө лә уртаҡлашты.
На этой странице есть скрипты, которые не могут быть загружены в AMP-режиме.
Перейти на сайтҠолсора ауылы район үҙәгенән ҡырҡ саҡрым алыҫлыҡта урынлашҡан. Бынан дүрт тиҫтә йыл элек төҙөлгән медицина пункты заман талаптарына яуап бирмәй. Ҡыйынлыҡтарға ҡарамай , ауыл фельдшеры Гөлсибәр Мөхәмәтшина 8 йыл ауылдаштары сәләмәтлеге һағында. Көн-төн тимәй, ололарҙың да , сабыйҙарҙың да һаулыҡтарын күҙәтеү аҫтына ала.
Ҡолсора ауылында 362 кеше йәшәй, башлыса оло быуын вәкилдәре. Яңы шарттарҙа медицина ярҙамы алыу күпкә уңайлыраҡ. Шуға ла ауыл халҡы модулле фельдшер-акушерлыҡ пунктының сафҡа инеүен түҙемһеҙләнеп көттө.
Һуңғы ике йылда Баймаҡ районында 8 медицина объекты сафҡа инедерелде. Әле районда алтмыштан ашыу фельдшер-акушерлыҡ пункты эшләй, 2024 йылға тиклем тағы ла биш медицина учреждениеһын файҙаланыуға тапшырыу күҙаллана.