Яңы закон Дәүләт Йыйылышы – Ҡоролтай депутаттары тәҡдиме буйынса ҡабул ителде. Документҡа ярашлы, прививка эшләүсе ойошмалар исемлеге киңәйҙе, граждандар мотлаҡ медицина страховкаһы буйынса барлыҡ дауалау учреждениеларында вакцинация үтә аласаҡ, тине Парламент етәксеһе Константин Толкачев.
Эпидемик күрһәткестәр буйынса прививкалар календарына коронавирус, ҡотороу, талпан энцефалиты, тағун кеүек 24 ауырыуға ҡаршы вакцина инә. Ҡабул ителгән закон тексына республика башлығы ҡул ҡуйырға тейеш. Документ рәсми рәүештә баҫылып сыҡҡандан һуң, үҙ көсөнә инә.
Рәзилә Ғиниәтуллина