Мөмкинлектәр сикһеҙ. Өфө лимонарийында «Абилимпикс» милли чемпионатының төбәк этабы ойошторолдо. Күләмле ярыштың «Ландшафт дизайн» компетенцияһында республиканың дүрт коррекция мәктәбе уҡыусылары көс һынашты. Улар өс сәғәт эсендә бәләкәй баҡса фрагментын төҙөргә тейеш ине.
Һәр ҡатнашыусы сәскә-декоратив үҫемлектәр, төҙөлөш материалдары һәм эш ҡоралдары менән тәьмин ителде. Балаларҙың ижади эштәрен махсус комиссия баһалай. Еңеүсе артабан ил кимәлендә Башҡортостан данын яҡлаясаҡ.
Гөлназ Хәйбуллина