Әсә кеше үҙенең улын үлтереүҙә ғәйепләнә. Тәфтиш комитетынан һәм Эске эштәр министрлығынан хәбәр итеүҙәренсә, 2001 йылда Сибайҙа 11 йәшлек малай велосипедта сығып киткән еренән хәбәрһеҙ юғала.
Оҙаҡ ваҡыт дауамында енәйәтте асыҡлап булмай, тик 16 йыл үткәндән һуң ғына баланың ҡалдыҡтары урманда табыла. Әммә хоҡуҡ һаҡсылары был юлы ла үлтереүсенең эҙенә төшә алмай. Ҡот осҡос енәйәт ҡылыуҙа ғәйепләнеүсе быйыл ғына асыҡлана. Әлеге ваҡытта ҡулға алыныусы ҡатын үҙ ғәйебен таныған. Ҡайһы бер мәғлүмәттәр буйынса, әсә балаһын быуып үлтергән тип билдәләнә.
Илдар Байбулатов