Өфөлә Еңеү байрамына арналған тантаналар дауам итә. Бөгөн Башҡортостан юлдаш телеканалы төп сараларҙы тура эфирҙа, Бөйөк Еңеүҙең 77 йыллығына арналған телемарафон барышында күрһәтә. Бер нисә минут элек Өфөнөң Октябрь проспектында «Үлемһеҙ полк» акцияһы тамамланды.
Тәүге мәғлүмәттәр буйынса, бөгөн унда 152 мең кеше ҡатнашҡан. Әле ваҡиға урынында БЮТ каналының ижади төркөмө эшен дауам итә. Студия менән тура бәйләнештә БЮТ каналы хәбәрсеһе Рафиҡ Әхмәтшин.