Был мөмкинлек Илеш районы юлдарын капиталь төҙөкләндерелгәндән һуң булдырылды. Теманы БЮТ каналы хәбәрсеһе Азат Ғәлиуллин дауам итә.
Лаяшты ауылы эргәһендәге завод 2020 йылдан эшләй. Бөгөнгә тиклем предприятиеның бер минутҡа ла тынғаны юҡ. Эш тә компьютерлаштырылған. Асфальт өсөн килтерелгән сеймалдың һәр граммы тигәндәй теркәлә бара. 270 килограмға һыйҙырышлы буферҙар бер сәғәт сәғәт тултырылып тора, шунда уҡ камаздарға тейәлеп оҙатыла.
М7 федераль трассаһында машиналар менән бер рәттән, юл хужалығы хеҙмәткәрҙәре араһында ла - йәнлелек. Тотҡарлыҡтар күҙәтелмәй. Тығындар ҙа юҡ кимәлдә. Ни бары төҙөлөш барған учаскаларҙа реверсив хәрәкәт булдырылған.
Федераль трассалағы капиталь ремонт хәүефһеҙлек сараларын иҫәпкә алынып эшләнә. Боролош, ҡалҡыу урындар киңәйтелеп, өҫтәмә һыҙаттар булдырыла. Шулай уҡ төн йөрөгән машиналар өсөн республикала тәүге тапҡыр федераль юлда диодлы яҡтыртыу маяҡтары ҡулланыла башланы.
Әйткәндәй, федераль трасса үткән ауылдарҙа проектҡа индерелгән. Уның сиктәрендә электр бағаналары яңыртыла, йәмәғәт траспорты туҡталҡаһы төҙөкләндерелә, шулай уҡ йәйәүлеләр өсөн тротуарҙар һалына.
Азат Ғәлиуллин