Бөгөн илдә химиктар көнө билдәләнә

Был байрам йыл һайын майҙың һуңғы йәкшәмбенә тура килә. Химия һәм нефть химияһы комплексы республика иҡтисадында төп тармаҡтарҙан һанала һәм Башҡортостандың уңышлы социаль-иҡтисади үҫешенең ышаныслы нигеҙе булып тора. Химия фәндәре кандидаты Айнур Ғүмәров Республика инженер лицей интернатында химия фәнен уҡыта. Ул тиҫтәләгән олимпиада еңеүселәрен әҙерләгән.

Айнур Мансур улының уҡыусыһы Вадим Харисов быйыл химия фәне буйынса Рәсәй кимәлендә олимпиада еңеүсеһе булды. Ул киләсәген химия өлкәһе менән бәйләргә теләй.