Ауыл хужалығы министры урынбаҫары Ирек Сураҡов белдереүенсә, етештереүселәр сеймал менән тулыһынса тәьмин ителгән, ҡытлыҡ юҡ, предприятиелар өҙөклөкһөҙ эшләй. Сауҙа һәм хеҙмәттәр министрлығынан белдереүҙәренсә, ҡайһы бер төр аҙыҡ-түлеккә хаҡ түбәнәйеүе теркәлгән. Социаль-иҡтисади үҫеш буйынса оператив штаб ултырышында баҙарҙа хаҡтарҙы күҙәтеүҙе көн һайын түгел аҙна һайын ойошторорға тәҡдим ителде. Республика Башлығы Радий Хәбиров был тәҡдимде хупланы.