Дәүләкән районында үлемесле авария. Осраҡ Дәүләкән – Бүздәк автомобиль юлының 2-се километрында теркәлгән. Төбәк автоинспекцияһынан хәбәр итеүҙәренсә, ваҡиға урынында 27 йәшлек водитель «Шевроле Круз» автомобиленә идара итеү һәләтен юғалтып, юл ситенә түңкәрелгән.
Аварияла 29 йәшлек пассажир ҡыҙ һәләк булған. Водитель әйтеүенсә, бәхетһеҙ осраҡ йәштәр бәхәсләшеп китеп, егет иғтибарын ситкә йүнәлткән мәлдә теркәлә. Йәштәрҙең ай аҙағында өйләнешергә йыйыныуы билдәле. Осраҡ буйынса тикшереү башланған.