Ошо уңайҙан Өфөлә «Ҡайғырыусы әсә» һәйкәленә локаль бәрелештәр ветерандары сәскә һалды. Улар тантаналы йыйылышҡа республика төбәктәренән килгән. Башҡортостанда 25 мең тирәһе хәрби хәрәкәттәр ветераны йәшәй.
Афған, Чечен һуғышын үткән ир-егеттәр йәш быуынды патриотик тәрбиәләүгә өлөш индерә. Һуңғы ваҡытта Донбасҡа гуманитар ярҙам илтеүҙә ҡатнаша.
Хәрби хәрәкәттәр ветерандары көнө 2009 йылдан Башҡортостан ҡала-райондарында ла билдәләнде. Иглин районының Еңеү паркында ветерандар, юнармия сафындағылар яу ҡырында ятып ҡалғандарҙың ҡаһарманлығы алдында баш эйеп бер минут тынлыҡ менән иҫкә алды.
Рәмилә Исмәғилева