Башҡортостан һәм Төркиәне күптәнге иҡтисади мөнәсәбәттәр бәйләй. Төркиә бизнесы республикала әүҙем эш алып бара. Башҡортостан Башлығы Радий Хәбиров бөгөн Екатеринбургта үткән “Иннопром” күргәҙмәһендә шулай тип белдерҙе. Төбәк етәксеһе форумда Төркиәнең сәнәғәт һәм технологиялар министры урынбаҫары Хәсән Бюйюкдеде менән осрашты. “Яҡтар араһында хеҙмәттәшлекте киңәйтеү маҡсатында Анкарала һәм Истамбулда Башҡортостан Конгресс-Бюроһы вәкиллектәре асылды. Сентябрҙә Башҡортостан делегацияһы эш сәфәре менән Төркилә була”- тине Радий Хәбиров.