Бөгөн коллектив йәйге ялда булыуына ҡарамаҫтан, аҙнаһына бер йыйылып репетиция уҙғара. Стәрлеләр был юлы тамашасы иғтибарына, Керчь ҡушаматлы ат тураһында сәхнә әҫәре тәҡдим итмәксе.
Мәғлүм булыуынса, ул – Бөйөк Ватан һуғышынан Миәкә районы Илсеғол ауылына әйләнеп ҡайтҡан берҙән-бер ат. Спектаклдә ваҡиғалар уҙған быуаттың 40-сы йылдарында бара. Уны ауылдаштары хәтирәләренән сығып Мөнир Ҡунафин ижад иткән. Ҡуйыусы-режиссеры – Айҙар Зарипов. Премьера яңы ижад миҙгелен асыр тип көтөлә.
Азат Ғәлиуллин