Республика вәкилдәренә Рәсәйҙең дәүләт наградалары тапшырыла. Президент Владимир Путин тейешле указға ҡул ҡуйҙы. Документҡа ярашлы, Арыҫлан Мөбәрәков исемендәге Сибай дәүләт башҡорт театры артисы Риф Сәйфуллинға “Рәсәйҙең атҡаҙанған артисы” исеме бирелде. “Газпром трансгаз Өфө” йәмғиәтенең генераль директоры урынбаҫары Павел Романенков II дәрәжә “Ватан алдындағы ҡаҙаныштары өсөн” миҙалы менән наградланды. “Башнефтегеофизика” йәмғиәтенең әйҙәүсе геофизигы Альберт Ислаҡаев “Рәсәйҙең атҡаҙанған нефть һәм газ сәнәғәте эшсеһе” исеменә лайыҡ булды. Сибай театрының әҙәби-драматик бүлек етәксеһе Гөлсәсәк Саламатова әйтеүенсә, Риф Сәйфуллин төрлө спектаклдәрҙә төп ролдәрҙе уңышлы башҡара һәм күптән тамашасы һөйөүен яуланы. Бындай юғары награда шәхсән ул һәм театр өсөн лайыҡлы баһа.
На этой странице есть скрипты, которые не могут быть загружены в AMP-режиме.
Перейти на сайт