Мәләүез районында юл аварияһында 4 кешенең ғүмере өҙөлгән. Башҡортостан буйынса Дәүләт автоинспекцияһынан хәбәр итеүҙәренсә, Өфө – Ырымбур трассаһында Ford Focus һәм “Лада Ларгус” автомобилдәре бәрелешкән. Ике водитель дә һәм 70 йәшлек пассажир ваҡиға урынында вафат булған. Аҙаҡ дауаханала тағы бер кеше үлгән. Әле табиптар ике пассажирға медицина ярҙамы күрһәтә. Ҡайһы бер мәғлүмәт буйынса, “Лада Ларгус” тың водителе таксист булған. Ул Өфө – Аҡъяр маршруты менән килгән. Юл-транспорт ваҡиғаһы сәбәптәре асыҡлана.