Ғәҙәттән тыш хәлдәр министрлығы Мәләүез районы Иштуған ауылында теркәлгән фажиғәле осраҡҡа асыҡлыҡ индерҙе. Кисә 37 йәшлек ир үҙенең дуҫтары менән карьер буйына ял итергә килә. Осрашыу хөрмәтенә улар кәйеф-сафа ҡора.
Әммә ниндәйҙер мәлдә 2018 йылғы бала күҙҙән юғала. Ваҡиға шаһиттары ашығыс хеҙмәттәр саҡырта. Ҡотҡарыусылар һыу төбөнән 4 йәшлек баланың һәм уның атаһының кәүҙәһен сығара.
Һыу инеү урыны йыһазландырылмаған булған. Ҡотҡарыусылар билдәләүенсә, тыйылған урындарҙа, айырыуса эскән килеш һыу инеү, балаларҙы ҡарауһыҙ ҡалдырыу йылға-күлдәрҙәге фажиғәләрҙең төп сәбәбе булып тора.