Йөк автомобилдәренә төҙөлөш материалдары һәм аҙыҡ түлек тейәлгән. Оҙон юлға сығыусыларҙы БЮТ ижади төркөмө оҙатып ҡалды.
Йөк тейәгән 8 машина бөгөн юлға сыҡты. Конвой ҡуҙғалыр алдынан водителдәргә инструктаж уҙғарылды. Ылау Петровское ҡалаһындағы генерал Шайморатов исемен йөрөткән мәктәпкә төҙөлөш материалдары алып бара. Республика белем усағын төҙөкләндереүҙә ҡатнаша.
Йөк автомобилдәре менән икешәр водитель алмашлап идара итә. Оҙон юл өсөн тәжрибәле шоферҙар һайлап алынған. Башҡортостан менән Донбасс араһын бер нисә тапҡыр йөрөп ҡайтҡандар ҙа, тәүгә юлға сығыусылар ҙа бар.
Ылау 1700 саҡырым юл үтеп, бер тәүлектән һуң барып етәсәк.
Рәмилә Исмәғилева