Башҡортостандың "Патриот" хәрби-илһөйәрлек паркына һәм Өфөләге "40-сы мәғариф үҙәге"нә Рәсәй Геройы Максим Серафимов исеме бирелде. Премьер-министр Андрей Назаров ошо турала документтарға ҡул ҡуйҙы. Улар менән рәсми мәғлүмәттәр порталында танышырға мөмкин. Максим Серафимов "40-сы мәғариф үҙәге"ндә белем ала. 27 йәшлек өлкән лейтенант Украинала хәрби операцияла ҡатнаша. Махсус тәғәйенләнештәге отряд командиры була. 27 февралдә подразделение көслө ут аҫтында ҡала, 10-сәғәттән ашыу бинаны обороналайҙар. Максим Серафимов эргәгә килеп төшкән гранатаны үҙе менән ҡаплап һалдаттарының ғүмерен һаҡлап ҡала. Уға үлгәндән һуң Рәсәй Геройы исеме бирелә.