Аҡса өс йүнәлештә туризмды үҫтереүгә тотонола. Был турала Республика Башлығы Радий Хәбировтың туриндустрия вәкилдәре менән осрашыуында белдерелде. 82 миллион һум кемпингтар һәм автокемпингтар булдырыу өсөн тәғәйенләнә. Йылға-күл буйҙарында пляж зоналарын, шулай уҡ балалар өсөн ял биләмәләрен булдырыу буйынса проекттарға 149 миллион һум йүнәлтелә. Тағы 105 миллион һум туристик ҡорамалдар алыу, яңы маршруттар асыу, мөмкинлеге сикләнгәндәргә туристик йүнәлешендә проекттарҙы ғәмәлгә ашырыу өсөн ҡаралған.