Башҡортостан Милли симфоник оркестры 101-се ижад миҙгелен Мәскәү филармонияһында Денис Мацуев менән бергә асты. Бөтә донъяға билдәле виртуоз-пианист быға тиклем Өфөлә лә ижади коллектив менән сығыш яһаған булған.
Артист шул саҡта уҡ Башҡортостан оркестрының юғары профессионаллеген билдәләгән. Илдең иң ҙур концерт залдарының береһендә Сергей Прокофьев, Николай Римский-Корсаков һәм Александр Бородин кеүек билдәле рус композиторҙарының әҫәрҙәре башҡарылды. Рәсәйҙең халыҡ артисы Денис Мацуев менән Башҡортостан Милли симфоник оркестры артабан да хеҙмәттәшлек итергә ниәтләй.
Азат Ғәлиуллин