Иртәгә ул Совет майҙанында Миңлеғәле Шайморатовҡа һәйкәл асыуҙа ҡатнашырға иҫәп тота.
Бөгөн ул Башҡортостан башлығы Радий Хәбиров менән осрашты. Республика етәксеһе Президент ярҙамсыһына 112-се Башҡорт кавалерия дивизияһының легендар командиры Миңлеғәле Шаймортовтың исемен мәңгелештереүгә күрһәтелгән ярҙам өсөн рәхмәт белдерҙе.
Шулай уҡ бөгөн Владимир Мединский Рәсәй хәрби-тарихи йәмғиәттең Башҡортостан бүлеге ултырышында ҡатнашты. Һөйләшеүҙә патриотик тәрбиә, Ватан мәҙәниәте мираҫын, тарихи хәтерҙе һаҡлау мәсьәләләре күтәрелде. Журналистар менән аралашҡанда Владимир Мединский тағы ла бер тапҡыр Миңлеғәле Шайморатов республика өсөн генә түгел, тотош Рәсәй өсөн әһәмиәтле шәхес булыуын билдәләне.
Айнур Кәбиров