Республика Башлығы Радий Хәбиров мобилизация буйынса хеҙмәткә алыныусыларҙың ғаиләләренә өҫтәмә ярҙам тураһында күрһәтмәгә ҡул ҡуйҙы. Документ балалар баҡсаһына теркәү, бала өсөн түләү, балалар аҙығы алыу, йәмәғәт транспортында йөрөү, лагерҙарға барыу, уҡыусылар һәм студенттарҙы йылы аш менән тәьмин итеүгә ҡағыла. 30-ға яҡын өҫтәмә ярҙам сараһы ҡаралған. Илдә өлөшләтә мобилизация буйынса алыныусылар өсөн шулай уҡ федераль льготалар бар.