Әле эшселәр 16-сы бағананы ҡаға. Йәмғеһе үткәүел 28 терәүҙән торасаҡ. Ә уның аҫтынан Генерал Рыленко урамы буйлап төҙөлгән яңы юл үтәсәк. Был проект көньяҡ ҡапҡаларҙың бер өлөшө.
Бағана ҡағыусы техника бырауын сантиметрлап тиерлек ер аҫтына батыра. Эш күптән башланһа ла, әле 28 терәүҙең ун алтыһы ғына ҡуйылған. Сөнки буласаҡ күпер урыны бағаналарҙың тәрән ултыртылыуын талап итә. Ни тиһәң дә үткәүел йырын өҫтөндә ҡорола.
Ҡеүәтле эскаваторҙар ағас өйҙәрҙе шырпы ҡабындай емерә. Йырын ситендә урынлашҡан иҫке йорттарҙы һүтергә ҡарар ителгән. Сөнки ике урамды тоташтырыусы үткәүел 72 метр буласаҡ. Йәмғеһе 36 йорт һәм ихата боҙолоп сүплеккә ырғытыласаҡ.
Үҙәнде тәртипкә килтереү ҙә еңелдән түгел, ти төҙөүселәр. Уны киңәйтеү өсөн мең йөк автомобиле балсыҡ, ҡом сығарылған. Йырындан ағып ятҡан бәләкәй генә йылға өсөн махсус улаҡтар яһалып ер аҫтынан үткәрелгән.
Айнур Кәбиров