Ғәмәлдә теләк белдереүселәр тағы ла күберәк. Был турала хәрби подразделениелар ветерандары Башҡортостан башлығы менән осрашыуҙа белдерҙе.
Радий Хәбиров командирҙарға һәм хәрбиҙәргә күрһәткән башланғыстары өсөн рәхмәт белдерҙе һәм республиканың яңы батальонына ярҙам итәсәге хаҡында әйтте. Махсус хәрби операцияла ҡатнашыу өсөн Салауат Юлаев исемендәге ирекле батальон ойоштороу тәҡдимен оставкалағы полковник, Төньяҡ Кавказдағы хәрби бәрелештәр ветераны Артур Йомағужин күтәреп сыға.
Иреклеләрҙе Шайморатов һәм Доставалов исемендәге батальон хәрбиҙәре кеүек үк ярҙам саралары көтә. Башҡортостан башлығы республика Хөкүмәтенә һәм үҙ хакимиәтенә Салауат Юлаев исемендәге батальонды матди-техник яҡтан тәьмин итеү мәсьәләһен хәл итеүҙе һәм Рәсәй гвардияһы менән берлектә хәрби әҙерлек ойоштороу буйынса юл картаһын әҙерләү бурысын йөкмәтте.
Илдар Байбулатов