Хәрәкәт итеүсе «Skania» йөк машинаһының кузовы асылып транспорт төҙөлә башлаған ер өҫтө үткәүеленә бәрелгән. Конструкция кабина өҫтөнә төшөп, ауыр йәрәхәтләнгән водителдең ғүмере өҙөлгән.
Шулай уҡ Яңауыл районында төнгө аварияла ике егеттең ғүмере өҙөлгән. Ҡаймаша ауылы эргәһендә еңел машина «Урал» йөк машинаһы менән бәрелешкән. Автомобилдәге ике кешенең ғүмере өҙөлгән, өс кешегә медицина ярҙамы талап ителгән. Йөк машинаһының 26 йәшлек водителенең сәләмәтлегенә зыян килмәгән. Юл-транспорт ваҡиғаһы буйынса тикшереү ойошторолған.