Өфөнән Максим Серафимов махсус хәрби операция башланған көндән үк алғы һыҙыҡҡа баҫып, разведка төркөмө составында дошман утына эләгә. Өлкән лейтенант подразделениеһы менән бергә ун сәғәт дауамында бинаны обороналай. Сираттағы штурм ваҡытында гранаталарҙың береһе офицер янына төшә. Максим Серафимов үҙ ғүмерен аямай, уны кәүҙәһе менән ҡаплай һәм хеҙмәттәштәрен үлемдән ҡотҡара.
Июлдә Әбйәлил районынан Тамерлан Илһамов етәкселегендәге зенит ракета-артиллерия батареяһы расчеты дошманға ҡаршылыҡ күрһәтеп, туғыҙ ракетаны юҡ итеүгә өлгәшә. Хәрби комплектты тотоноп бөткәндән һуң, яҡташыбыҙ позицияны үҙгәртергә ҡарар итә. Шул ваҡытта ике ракета зенит комплексҡа эләгә. Прапорщик хәрби иптәштәре менән бергә һәләк була, ләкин улар батырлыҡ күрһәтеп, шәхси составты ҡотҡарыуға өлгәшә.
Яңауылдан Игорь Нәсибуллин да ғүмеренең һуңғы секундына тиклем Ватанға, хәрби бурысҡа тоғро ҡала. Танк ротаһы командиры ауыр йәрәхәтлеләрҙең эвакуацияһын ҡаплап, дошман утында ҡала. Ҡаһарманлыҡ күрһәткән яҡташтарыбыҙ һәләк булғандан һуң Рәсәй геройы исеме менән билдәләнде. Район-ҡалаларҙа ил батырҙарының исемен мәңгеләштереү эше әүҙем алып барыла.