Арыҫлан Мөбәрәков исемендәге театрҙа махсус хәрби операцияла ҡатнашыусыларҙың ата-әсәләре менән осрашыу үтте. Сентябрҙә Сибай концерт-театр берекмәһенең 15 хеҙмәткәре мобилизацияланды. Мәҙәниәт учреждениеһы хәрбиҙәргә лә, уларҙың ата-әсәләренә лә даими ярҙам күрһәтә.
Концерт эшмәкәрлегенән алынған килемгә бәрелештәр барған ергә йылы кейемдәр, аҙыҡ-түлек, техника оҙатыла. Осрашыуҙа егеттәрҙең ғаиләләренә ярҙам күрһәтеү мөмкинлектәре барланды. Һуңынан осрашыуға килеүселәр Сибай артистары ҡуйған спектаклде ҡараны.