Радий Хәбиров: "Хеҙмәт кешеһен хөрмәтләү мөһим"

"Лайыҡлы эш хаҡы һәм тейешле шарттар булырға тейеш". Башҡортостан Башлығы Радий Хәбиров Дәүләт Йыйылышы – Ҡоролтайға мөрәжәғәтендә шулай тип белдерҙе. “Республикала эш хаҡын йәшерен түләгән ойошма һәм предприятиелар ҙа бар”,  - тине ул.

Эксперттар, йәмәғәтселек вәкилдәре һәм парламент депутаттары Радий Хәбировтың сығышына баһа бирә. “Башҡортостан Башлығы бөтә проблемаларҙы белә. Ул бик һиҙгер сәйәсмән. Беҙҙең маҡсат ул ҡуйған бурыстарҙы үтәүгә булышлыҡ иткән закондар сығарыу. Тимәк, халыҡтың тормошон яҡшыртыу”, - ти Дәүләт Йыйылышы – Ҡоролтай рәйесе урынбаҫары Рөстәм Ишмөхәмәтов. 

Мөрәжәғәтнамәләге төп положениеларҙы тормошҡа ашырыуға йүнәлтелгән закон проекттарын ғинуарҙағы пленар ултырышта ҡабул итеү ҡарала.