Хөкүмәттә оператив кәңәшмәлә Эшҡыуарлыҡ һәм туризм министры Рөстәм Афзалов шул турала белдерҙе. 2023 йылда 36 меңгә яҡын уҡыусы сәйәхәт итә аласаҡ. Быйыл республикала 11 меңдән ашыу 5-се-9-сы класс балаһы ике көнлөк сәфәрҙә булған. Бының өсөн 55,5 миллион һум тотонолдо. Республика Башлығы Радий Хәбиров мәктәп туризмы өсөн уңайлы шарттар булдырырға һәм балалар именлегенә иғтибар итергә ҡушты.