Коллектив Көнбайыш баҫымы көсәйеп, санкциялар иғлан ителеүгә ҡарамаҫтан, республикала февралдән алып бер предприятие ла эшмәкәрлеген туҡтатмаған. Был турала Башҡортостан Хөкүмәте Премьер-министры урынбаҫары - сәнәғәт, энергетика һәм инновациялар министры Александр Шельдяев матбуғат конференцияһында билдәләп үтте.
Уҙған ун ай һөҙөмтәләре буйынса сәнәғәт производствоһы индексы 2,8 процент тәшкил иткән, был уртаса ил кимәленән юғары. Республика кластерҙар буйынса ла тиҙ үҫешкән төбәктәр исемлегендә. Йыл аҙағына Рәсәй сәнәғәт һәм сауҙа министрлығы реестрына индерелгәндәре бишәүгә етәсәк.