Был хәл бөгөн иртән Октябрь районындағы шәхси йорттарҙың береһендә теркәлгән. Тәфтиш комитетының яҡынса мәғлүмәттәре буйынса, 37 йәшлек ҡатын аңын юғалтҡан, башҡа ғаилә ағзалары ла үҙҙәрен насар тойған. Күршеләре тиҙ ярҙам саҡырған. Һөҙөмтәлә 14, 16 йәшлек ике бала менән ҡатын дауаханаға һалынған. Уларҙың һөрөм газынан ағыуланыуы ихтимал.
Медицина тикшереүенән һуң тағы ла ике кеше амбулатор дауаланыуға ебәрелгән. Ваҡиға урынына газ хеҙмәте һәм ҡотҡарыусылар килгән. Йортто тикшереү барышында елләтеү ҡаналының туңыуы асыҡлаған.