Башҡортостан «Йәмәғәт палатаһы»нда мөмкинлектәре сикләнгән балалар менән эшләүсе белгестәр өсөн махсус уҡыуҙар башланды
Психологтар, логопедтар, уҡытыусылар һәм башҡа белгестәр «Сенсор интеграция» тигән курста белемен камиллаштырып реабилитация үҙәктәрендә малай-ҡыҙҙар менән эш башларға әҙерләнә. Башҡортостан башлығы гранты ярҙамында ойошторолған уҡыуҙар «Ҡаршылыҡтарҙы еңеп» проекты сиктәрендә тормошҡа ашырыла. Яңы курс Башҡортостанда иҫәпләнгән 18 мең инвалид баланың көндәлек тормошон еңелләштереп, уларҙың сәләмәтлеген нығытыуға йүнәлтелгән.