Республика Хөкүмәтендә социаль-иҡтисади үҫеш һөҙөмтәләре ҡаралды. Санкцияларға ҡарамаҫтан, сәнәғәт тармағында ыңғай күрһәткестәр һаҡлана. Урман хужалығы һәм еңел сәнәғәттә техника, ҡорамалдар һәм сеймал һатып алыуға киткән сығымдар ҡапланды. Башҡа йүнәлештәрҙә лә дәүләт ярҙам күрһәтә. Әле республикала 51 метан заправкаһы эшләй. Уҙған йыл 10 газ яғыулығы тултырыу станцияһы асылды.