Был турала Башҡортостан башлығы Радий Хәбиров оператив кәңәшмәлә хәбәр итте. Төбәк етәксеһе, Мортаза Ғөбәйҙулла улын һуңғы юлға оҙатыу юғары кимәлдә уҙғарылды тип билдәләне һәм матәм митингын ойоштороусоларға рәхмәт һүҙҙәрен еткерҙе. Мортаза Рәхимов менән хушлашыуҙа 30 меңдән ашыу кеше ҡатнашты. Радий Хәбиров буласаҡ һәйкәлдең авторы тип скульптор Салауат Щербаков билдәләнә тип белдерҙе. Республика район-ҡалалары бер аҙна эсендә Башҡортостандың беренсе президентының исемен мәңгеләштереү буйынса тәҡдимдәр индерә ала.