Социаль проект Өфө ҡалаһы хакимиәте башлығы грантына тормошҡа ашырылған. Хәҙер кескәй пациенттар һәм уларҙың ата-әсәләре медицина учреждениеһы биләмәһенән сыҡмай, парикмахер хеҙмәте менән файҙалана ала. Шулай уҡ бында ирекмәндәр һәм күп балалы әсәйҙәргә сәс алыу оҫталығы буйынса уҡыуҙар ойошторола.
«Изгелек парикмахеры» социаль проектына ярашлы, 2020 йылда баш ҡалалағы сиркәүҙәрҙең береһендә йәшәү урындары булмаған кешеләр өсөн матурлыҡ бүлмәһе асылғайны. Ирекмән-парикмахер Татьяна Овсянникова балалар дауаханаһы менән хеҙмәттәшлек итеүҙе лә күптән маҡсат итеп ҡуйған булған.