Әле ул һынау үтә. Электр машинаһы азот менән һыуытыла, уның температураһы -196 градусҡа тиклем етә. Был технология аппараттың ҡеүәтен арттыра. Йыл дауамында ҡоролған двигатель тулыһынса үҙебеҙҙә етештерелгән материалдарҙан йыйылған. Ҡоролма һынау үткәс, уны осоу аппараттары өсөн күпләп сығарыуҙары ихтимал. Двигатель «Киләсәк моторҙары» алдынғы инженерҙар мәктәбендә эшләнә. Уны Өфө фән һәм технологиялар университеты студенттары, аспиранттары, йәш ғалимдар уйлап сығарған.