Объекттағы төҙөкләндереү эштәре былтыр сентябрҙә башланып, дүрт ай дауам иткән. «Спорт - йәшәү нормаһы» федераль проекты сиктәрендә мәғариф учреждениеһында барлыҡ инженер коммуникациялар яңыртылған, эске биҙәү эштәре башҡарылған, заманса тренажерҙар, мебель һатып алынған. Гимнастика, көрәш менән шөғөлләнеү, шахмат-шашка уйнау өсөн иркен яҡты зал-кабинеттар барлыҡҡа килгән. Йәш быуынды спортҡа ылыҡтырыуға барлыҡ шарттар булдырылған. Бөгөн бында дүрт йөҙгә яҡын бала шөғөлләнә.
Үрге Йәркәй ауылындағы спорт мәктәбенә 1973 йылда нигеҙ һалынған. Мәғариф учреждениеһы етәкселеге билдәләүенсә, капиталь ремонтҡа ихтыяж юғары булған. Төҙөкләндереүгә 19 миллион һумдан ашыу аҡса йәлеп ителгән.