Миңлеғәле Шайморатов исемендәге ирекмәндәр штабы Башҡортостандан махсус хәрби операцияға киткән ирекле батальондарға адреслы посылкалар йыя. Әлегә тиклем хәрбиҙәрҙең туғандары 170 тән ашыу посылка килтергән. Һуңынан ирекмәндәр уларҙы «Берҙәм логистика үҙәгенә» тапшырасаҡ.
Кирилл ирекмәнлек менән өсөнсө йыл рәттән шөғөлләнә. Кешеләргә ярҙам итеү, изгелек ҡылыу минең йәшәү рәүешем , ти ул. Былтыр сентябрҙә «Берҙәм Рәсәй» партияһының ирекмәндәр штабы барлыҡҡа килеү менән егет шундуҡ хәрби операцияла ҡатнашыусыларға ярҙам итеү эшенә ҡушыла. Сөнки Кирилдың үҙенең дә атаһы бәрелештәр зонаһанда хеҙмәт итә.
Шайморатов ирекмәндәре халыҡҡа социаль, психолок һәм көнкүрештәге ярҙам да күрһәтә. Хәрби операцияла ҡатнашыусыларҙың ғаиләләре йыш ҡына үҙәре лә мөрәжәғәт итә. Мәҫәлән һуңғы бер аҙнала ғына ирекмәндәр 95 мөрәжәғәт ҡабул иткән . Шуларҙың береһе Шайморатов батальонында хеҙмәт иткән яугирҙан килгән. Ул ғаиләһенә күсенергә ярҙам итеүҙәрен һораған.
Башҡортостанда ирекмәнлек хәрәкәте ҡеүәтле. Һәр битараф булмаған кеше ниндәй ҙә булһам ярҙам күрәһәтә. Ҡатын-ҡыҙҙар мәҫәлән хәрби техниканы йәшереү өсөн селтәрҙәр әҙерләй. Бер ай эсендә генә улар 60 япма үреп ебәргән.
Мобилизацияға алыныусылар һәм ирекле батальондар өсөн гуманитар ярҙам туплауға ла һәр кем үҙ өлөшөн индерә ала. Күстәнәстәрҙе урандағы Берҙәм Рәсәй « партияһы бүлексәләренә урынлашҡан Шайморатов ирекмәндәре штабына тапшырырға мөмкин.