Был турала матбуғат конференцияһында хәбәр ителде. Конкурс йәмғиәттә ҡатын-ҡыҙ ролен күтәреү, халыҡ йолалары һәм этнопедагогика нигеҙҙәрен тергеҙеү маҡсатында 7-се йыл рәттән ойошторола. Икенсе йыл бәйге Бөтә Рәсәй кимәлендә үткәрелә: күләмле сараның финалында Мәскәү, Сочи ҡалаларынан, Ханты-Манси автономиялы округынан, Татарстан Республикаһынан гүзәл заттар ҡатнашыуы көтөлә.
Ойоштороусылар белдереүенсә, быйылғы сара патриотик ҡиммәттәргә ҡайтып ҡаласаҡ. Шул сәбәпле, конкурста бер нисә яңы номинация булдырылған, шул иҫәптән, хәрби бәрелештәрҙә ҡатнашҡан яугирҙар әсәләре һәм госпиталдәрҙә эшләгән табиптар бүләкләнәсәк.