“Ауыл фельдшеры” дәүләт программаһында ҡатнашҡан Рәзғәт Фәрүәзетдинов Асҡын районы Яңы Ҡаҙансы ауылында халыҡҡа беренселәрҙән булып медицина ярҙамы күрһәтә. “Ғинуарҙа сафҡа ингән яңы модулле фельдшер-акушер пунктында эш башлау – үҙе бәхет”, - ти йәш белгес. Былтыр “Сәләмәтлек” милли проекты буйынса республикала 55 фельдшер-акушер пункты файҙаланыуға тапшырылды.