Төбәк етәксеһе белдереүенсә, әлеге ваҡытта республиканың ремонт предприятиеларында ауыл хужалығы техникаһын ремонтлау тамамлана.
1 апрелгә тиклем тракторҙар паркын тулыһынса әҙерлек һыҙығына ҡуйыу, 15 апрелгә техник күҙәтеү уҙғрарып, эшкә рөхсәт биреү күҙаллана. «Иҡтисадтың башҡа өлкәләрендәге кеүек үк, санкциялар үҫешкә этәргес бирҙе.
Агросәнәғәт тармағының ремонт предприятиелары сәнәғәт предприятиелары менән берлектә эшләй. Улар берлектә запас частар етештереү өсөн техник документация әҙерләү буйынса конструктор бюроһы булдырҙы. Импорт техникаһы өсөн 3 меңдән ашыу запас частар төрҙәрен етештереүҙе үҙләштерҙек тә инде. Быйыл баҫыуҙарға былтырға ҡарағанда, 300 берәмеккә күберәк техника сыға һәм был һәйбәт уңышҡа ишара» тип белдергән төбәк етәксеһе.