Футбол уйынында сиктәр юҡ. Етенсе йыл Өфөлә мөмкинлектәре сикләнгән балаларҙы был спорт төрөнә ылыҡтырыу буйынса социаль проект тормошҡа ашырыла. Ошо ваҡыт эсендә биш йөҙҙән ашыу малай-ҡыҙ футбол буйынса күнекмәләр үткән.
Тренерҙар ымлап һөйләшеүҙе үҙләштереп, ишетеү һәләте насар булған малай-ҡыҙҙар менән дә уңышлы шөғөлләнә. Сираттағы күнекмә 30-сы коррекция мәктәп-интернаты тәрбиәләнеүселәре өсөн ойошторолдо, залда йыйылған иллегә яҡын бала уйын ҡағиҙәләре менән танышып, дөрөҫ итеп туп тибергә өйрәнде.