Өфөлә «Рәсәй субъекттарына урман мөнәсәбәттәре буйынса тапшырылған вәкәләттәрҙең үтәлеше»нә бәйле Волга буйы федераль округы буйынса кәңәшмә уҙғарылды. Пленар ултырышта урмандарҙы тергеҙеү һәм һаҡлау, янғын хәүефһеҙлеге, кадрҙар менән тәьминәт, эшмәкәрлекте һанлаштырыу мәсьәләләре күтәрелде. Урман хужалығы федераль агентлығы етәкселеге билдәләүенсә, Башҡортостанда урман янғындарын иҫкәртеү буйынса һөҙөмтәле эш алып барыла.
Кәңәшмәлә ҡатнашыусылар өсөн Өфө лимонарийына экскурсия ла уҙғарылды. Уҡытыу-тәжрибә хужалығы хеҙмәткәрҙәре ҡунаҡтарҙы экзотик үҫемлектәр менән таныштырып, уларҙы тәрбиәләү технологияһы менән таныштырҙы.