Өлкән лейтенант Марат Зөлҡәрнәев: “Беҙгә тәжрибәле яугирҙәр ярҙам итә”

Запорожье өлкәһендә хеҙмәт иткән өлкән лейтенант Марат Зөлҡәрнәев “Башҡортостан” телерадиокомпанияһына биргән интервьюһында шулай тип белдерҙе. Ул өлөшләтә мобилизация башланғас хәрби хеҙмәткә саҡырыла. “Беҙҙең менән утты, һыуҙы кискән һалдаттар бар. Улар ысын патриоттар, тыуған илен һаҡлаған батырҙар. Беҙ уларға таянабыҙ”, - ти өлкән лейтенант. Әхмәт-Зәки Вәлиди исемендәге Милли китапхана директоры Марат Зөлҡәрнәев махсус хәрби операция биләмәһендә ярты йыл хеҙмәт иткән. Әле ул ике аҙнаға Башҡортостанға ялға ҡайтты.

Башҡорт батальонында хеҙмәт иткән йәш һалдат яҡташтарыбыҙға - хәрби тәжрибәһе булған ир-егеттәргә мөрәжәғәт итте. “Һеҙҙе бында көтәбеҙ”, - ти ул.