Кушнаренко ауылында «Мин яратам һине, тормош» республика өлкән быуын кешеләре ижады фестиваленең зона этабы үтте. Конкурста ун райондың фольклор ансамблдәре, нәфис һүҙ оҫталары, һәүәҫкәр йырсы-бейеүселәр - барлығы өс йөҙҙән ашыу кеше ҡатнашты. Уларҙың сығыштарын Рәсәйҙең атҡаҙанған, Башҡортостандың халыҡ артисы Нәзифә Ҡадирова рәйеслегендәге жюри составы баһаланы.
Еңеүселәр сентябрҙә фестивалдең Өфөлә үтәсәк Гала-концертына саҡырыу алды.