Мифтахетдин Аҡмулла исемендәге Башҡорт дәүләт педагогия университетында психология йүнәлешендә кадрҙар әҙерләү һорауҙарына арналған форум үтте. Сарала мәғариф учреждениеларында психологик тәрбиә, үҫмерҙәргә һәм балаларға ярҙам, был эшкә ата-әсәләрҙе йәлеп итеү мәсьәләләре ҡаралды.
Өфөлә өс көн дауам итәсәк форумда Волгоград, Екатеринбург, Донецк һәм Луганск ҡалаларынан килгән белгестәр ҡатнашты. Педагогтар тәжрибә уртаҡлашып уртаҡ проекттарҙы тормошҡа ашырыу юлдарын билдәләне.