Атайсалға изге ғәмәлдәр йылына арналған бәйгелә район кимәлендә билдәле фольклор ансамблдәре, нәфис һүҙ оҫталары, һәүәҫкәр йырсылар - барлығы утыҙҙан ашыу кеше ҡатнашты. Көмөш йәштәгеләрҙең сығышын мәҙәниәт өлкәһе белгестәре баһаланы. Конкурс һөҙөмтәләре буйынса киләһе этапҡа өс сәхнә оҫтаһы һәм ике ижади коллектив үтте. Бәхетле исемлеккә «Яҡшы кәйеф» ансамбле лә ингән.
Сара сиктәрендә район мәҙәниәт йорто фойеһында декоратив-ҡулланма сәнғәт өлгөләре күргәҙмәһе үтте. Экспозицияларға сигелгән, бәйләнгән, тегелгән, нағышланған ҡул эштәре ҡуйылғайны. Аҡбирҙе ауылынан Маргарита Мөхәмәҙиева милли кейемдәрҙәге ҡурсаҡтары менән таныштырҙы.