Дәүләт автоинспекцияһы хеҙмәткәрҙәре Бишбүләктә Еңеү паркы биләмәһендәге ландшафтты боҙған автомобиль водителен ҡулға алды. Видеокүҙәтеү ҡоролмаһына төшөрөлгән яҙманан күренеүенсә, вандалдар бында тротуар һәм йәшеллектәр буйлап йөрөгән. Тикшереү барышында «Фольксваген Поло» менән 27 йәшлек урындағы кеше идара итеүе асыҡлана. Бөгөн иртән полиция хеҙмәткәрҙәре егетте Сиҙәк ауылында эҙләп таба. Инспекторҙар водителгә ҡарата 8 административ материал, шул иҫәптән машинаны газонда парковкалағаны өсөн протокол төҙөгән.