Өфөлә Фәйзи Ғәскәров исемендәге башҡорт академия халыҡ бейеүҙәре ансамбле менән Михаил Годенко исемендәге Красноярск дәүләт академия Себер бейеүҙәре ансамбленең берлектәге концерты үтте. Тамаша «Бейеү - халыҡ күңеле» тип исемләнгән фестиваль сиктәрендә тормошҡа ашырылды. Ике бүлектән торған концерт программаһында илдең мәшһүр коллективтары репертуарындағы иң сағыу хореография композициялары тәҡдим ителде. Уларнҙың һәр ҡайһыһы ҡабатланмаҫ сюжеты, лирик хәрәкәттәре менән айырылып тора.
Ғәскәровсыларҙың Рәсәйҙең алдынғы ижади коллективтары менән берлектәге тағы ла бер концерты 27 апрелгә билдәләнгән. Был юлы фестиваль ҡунаҡтары булараҡ Липецк ҡалаһының «Рәсәй казактары» дәүләт бейеү театры сығыш яһаясаҡ.